O director da Axencia de Protección da Legalidade Urbanística, con data do 30.10.2018, ditou resolución pola que se acorda dar traslado da resolución da directora da Axencia de Protección da Legalidade Urbanística, do 7.10.2014, en que se ordenaba proceder á restitución das cousas e a súa reposición ao estado anterior no prazo máximo de tres meses, das obras realizadas no lugar da Espiñeira, Aldán, termo municipal de Cangas (Pontevedra).

Ao non poder realizarse a notificación persoal do traslado da resolución a María de la Concepción Vázquez Abad, mediante a presente cédula e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle á interesada a devandita resolución por medio dun anuncio publicado no Boletín Oficial del Estado.

Tendo en conta que, en atención ao previsto no artigo 46 da Lei 39/2015, do procedemento administrativo común das administracións públicas, o acto non se publica na súa integridade, fáiselle saber á interesada que o texto íntegro da resolución que se notifica se encontra ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o devandito prazo, a notificación entenderase producida.

Para que conste e lle sirva de notificación á citada interesada, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.

Santiago de Compostela, 21 de decembro de 2018

José Antonio Cerdeira Pérez
Director da Axencia de Protección da Legalidade Urbanística