A Secretaría Xeral Técnica da Consellería de Cultura e Turismo recibiu da Sección Segunda da Sala do Contencioso-Administrativo do Tribunal Superior de Xustiza de Galicia o oficio do 16 de outubro de 2018 polo que se ordenaba a remisión do expediente administrativo de que deriva o procedemento ordinario 4193/2018, correspondente ao recurso contencioso-administrativo interposto por Uxío Reinoso Maset sobre denuncia por incumprimento do deber de conservación do Barrio do Cura en Vigo e unha dilixencia de ordenación do 13 de novembro de 2018 pola que se require á Administración demandada co fin de que emprace nese procedemento os propietarios dos edificios, a Administración local (Concello de Vigo) e demais interesados para que poidan comparecer como demandados ante o tribunal no prazo de nove días.

En consecuencia, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, notifícase para xeral coñecemento de todas as persoas interesadas no procedemento, que son emprazadas para que poidan comparecer como parte nos autos da Sala do Contencioso-Administrativo do Tribunal Superior de Xustiza de Galicia no prazo de nove días, contados desde o seguinte ao da publicación desta resolución no Diario Oficial de Galicia.

Santiago de Compostela, 21 de decembro de 2018

Manuel Vila López
Secretario xeral da Consellería de Cultura e Turismo