O 9 de maio de 2018 publicouse no Diario Oficial de Galicia a Resolución do 18 de abril de 2018 pola que se establecen as condicións xerais do Programa Ignicia proba de concepto e se procede á súa convocatoria para o ano 2018 (código de procedemento IN855A).
No seu artigo 16 establécense as aplicacións orzamentarias e os importes dos investimentos previstos, sen prexuízo de ulteriores variacións producidas como consecuencia da existencia dunha maior dispoñibilidade orzamentaria.
Actualmente existe crédito dispoñible procedente do remanente da convocatoria anterior do mesmo programa, polo que se considera oportuno ampliar a dotación orzamentaria consignada inicialmente á aplicación orzamentaria 09.A3.561A.870 e incrementar o importe total da convocatoria do Programa Ignicia 2018.
De acordo co anterior, unha vez declarada a dispoñibilidade de crédito na aplicación orzamentaria derivada de remanentes da convocatoria anterior,
RESOLVO:
Artigo único. Ampliación do crédito orzamentario
Ampliar o importe total do crédito da aplicación orzamentaria 09.A3.561A.870 e o importe total da convocatoria do Programa Ignicia 2018 establecidos na Resolución do 18 de abril de 2018 pola que se establecen as condicións xerais do Programa Ignicia proba de concepto e se procede á súa convocatoria para o ano 2018 (código de procedemento IN855A).
Na táboa seguinte detállase o crédito definitivo:
Aplicación orzamentaria |
Importe 2018 |
Total convocatoria |
|
Inicial |
09.A3.561A.870 |
441.000,00 € |
2.500.000,00 € |
Ampliación proposta |
09.A3.561A.870 |
180.832,93 € |
180.832,93 € |
Total |
621.832,93 € |
2.680.832,93 € |
Disposición derradeira única. Entrada en vigor
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 19 de decembro de 2018
Patricia Argerey Vilar
Directora da Axencia Galega de Innovación