De conformidade co disposto nos artigos 44 e 46 da Lei 39/2015, do 2 d outubro, do procedemento administrativo común das administracións públicas, notifícase á mercantil, con CIF X9106150J, en tanto que propietaria do vehículo marca Volkswagen, modelo Golf GTD, con matrícula C-1953-BZ, o seguinte requirimento por non ser posible a notificación a través do servizo de Correos.
Segundo denuncia da Policía Portuaria do porto de Sada e da Policía Local de Sada, o vehículo que se identifica atópase estacionado no porto de Sada, na zona de Carrefour, con claros síntomas de abandono, coa ITV caducada e sen seguro en vigor.
Considerando o exposto, e toda vez que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 106.1 do Real decreto lexislativo 6/2015, do 30 de outubro, que aproba o texto refundido da Lei sobre tráfico, circulación de vehículos de motor e seguridade vial, requírese a titular para que nun prazo máximo dun mes contado desde a publicación da presente cédula no Boletín Oficial del Estado, proceda a retirar o vehículo da zona de servizo do porto de Sada.
No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo, e procederá en consecuencia ao seu traslado a centro autorizado de tratamento de vehículos para a súa posterior destrución e descontaminación.
O anterior enténdese sen prexuízo das sancións administrativas que procedan en dereito.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
Santiago de Compostela, 11 de decembro de 2018
José Ignacio Villar García
Director de Portos de Galicia