De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, despois de intentada a notificación persoal dúas veces, emprázanse as persoas interesadas para seren notificadas dos actos administrativos de citación emitidos nos procedementos instados polas referidas persoas interesadas relativos aos expedientes relacionados no anexo.

As persoas interesadas ou persoas que legalmente as representen poderán comparecer para ter coñecemento íntegro de acto e constancia del, no prazo de dez (10) días contados desde o día seguinte ao da publicación deste anuncio no Boletín Oficial del Estado, na Unidade da Dependencia da Xefatura Territorial da Consellería de Política Social en Lugo, situada no Centro Base, rúa Serra de Ancares, nº 68, baixo, das 9.00 ás 14.00 horas, de luns a venres.

Transcorrido o devandito prazo sen efectuar a comparecencia, a notificación entenderase producida.

Advírtese que, de non presentarse na data indicada no acto de citación unha vez notificado, se concorre a paralización do procedemento por causa imputable á persoa interesada, transcorridos tres meses producirase a caducidade do procedemento acordándose o seu arquivamento de conformidade co disposto no artigo 95 da Lei 39/2015, do 1 de outubro.

Lugo, 24 de outubro de 2018

María Cristina Abades Martínez
Xefa territorial de Lugo

ANEXO

Nº de expediente/proc. BS210A	Apelidos e nome (DNI)	Acto obxecto de notificación	Data do documento
LU-0000040107	María Virtudes García Cupeiro (*****302-H)	Citación BS210A	3.8.2018
LU-0000038657	María Manuela López Penelas (*****709-G)	Citación BS210A	3.8.2018
LU-0000041386	Felipe Federico Peña Tomillo (*****980-M)	Citación BS210A	2.10.2018
LU-0000039758	Marina Baltar Blanco (*****668-Z)	Citación BS210A	8.5.2018