Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 137/2018 deste xulgado do social, seguido por instancia de Ana María Castaño Torres contra Miacar Peluquerías, S.L., Iglesias Garaboa y otra, S.C. e Fogasa, se ditou a seguinte resolución cuxa parte dispositiva é do teor literal seguinte:

«Parte dispositiva:

Acordo:

a) Declarar as executadas, Miacar Peluquerías, S.L. e Iglesias Garaboa y otra, S.C., en situación de insolvencia total por importe de 14.984,38 euros en concepto de principal (indemnización) máis outros 1.498,43 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reabrir a execución se no sucesivo se coñecen novos bens das executadas.

c) Unha vez que sexa firme esta resolución, inscríbase no rexistro correspondente.

d) Expedir os testemuños das resolucións procedentes, que se entregarán á parte executante na oficina xudicial deste xulgado.

Modo de impugnación. Contra esta resolución cabe recurso directo de revisión que se deberá interpor ante quen dita a resolución no prazo de tres días hábiles seguintes ao da súa notificación, con expresión da infracción cometida nela ao xuízo do recorrente (artigo 188 da Lei reguladora da xurisdición social (LXS).

A letrada da Administración de xustiza».

Para que sirva para os efectos de publicidade a declaración de insolvencia de Iglesias Garaboa y otra, S.C., expido este edicto para a súa inserción no Diario Oficial de Galicia.

Santiago de Compostela, 13 de novembro de 2018

A letrada da Administración de xustiza