De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante a publicación deste anuncio no Boletín Oficial del Estado (BOE) notifícase á persoa interesada que figura no anexo a resolución de caducidade do procedemento de perda de dereito ao cobramento da axuda do expediente de subvención número 17320065/2016 e o inicio dun novo procedemento de perda de dereito ao cobramento da mencionada axuda (Orde do 22 de xuño de 2016 pola que se establecen as bases reguladoras das axudas para o establecemento de sistemas agroforestais, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2014-2020, e se convocan para o exercicio orzamentario 2016 (DOG núm. 120, do 27.6.2016).
Para coñecer o contido íntegro do acto que se notifica, a persoa interesada poderá comparecer, no prazo de dez días hábiles contados desde o seguinte ao da publicación deste anuncio, nas dependencias da Dirección Xeral de Ordenación Forestal, situada na rúa San Lázaro, s/n, 15781 Santiago de Compostela, das 9.00 ás 14.00 horas, de luns a venres.
Se non comparece no prazo indicado, a notificación entenderase producida desde o día seguinte ao da data de finalización deste.
Concédeselle ao interesado un prazo de quince días hábiles, contados a partir do seguinte ao da publicación deste anuncio, para que poida formular alegacións e presentar a documentación que considere conveniente ao seu dereito ante a Consellería do Medio Rural (Servizo de Fomento Forestal, Dirección Xeral de Ordenación Forestal).
O presente anuncio expídese para que conste e sirva de notificación á persoa interesada, en cumprimento do disposto no artigo 44 da citada Lei 39/2015, do 1 de outubro. Este anuncio tamén se publicará no Diario Oficial de Galicia, pero a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Santiago de Compostela, 12 de novembro de 2018
Tomás Fernández-Couto Juanas
Director xeral de Ordenación Forestal
ANEXO
Expediente: subvención núm. 17320065/2016.
Persoa interesada: Francisco Rodríguez Barja.
Acto de notificación: resolución de caducidade do procedemento de perda de dereito ao cobramento da axuda do expediente e inicio dun novo procedemento de perda de dereito.