De acordo co disposto no artigo 118 da Lei do solo de Galicia, comunícase que, o Pleno do Concello de Arteixo, en sesión ordinaria celebrada o 31 de outubro de 2018, adoptou o acordo de aprobación inicial do proxecto de expropiación por taxación conxunta para execución de planeamento na intersección da travesía de Meicende coa rúa Valladolid, asinado polo arquitecto Isidro López Yáñez e pola enxeñeira técnica agrícola Beatriz Blanco Lois, que tivo entrada no rexistro municipal do 22 de outubro anterior, expediente número 06/18. Así mesmo, acordouse someter a información pública polo período dun mes o devandito proxecto, mediante a inserción de anuncios no Diario Oficial de Galicia e nun xornal dos de maior circulación da provincia, así como proceder á notificación individualizada co traslado literal das follas de taxación e da proposta de fixación dos criterios de valoración a todos os que aparezan como titulares de bens e dereitos no expediente, para que poidan formular cantas alegacións e reclamacións consideren oportunas tanto con respecto ao expediente expropiatorio, como á fixación do prezo xusto por idéntico prazo dun mes.

A relación de bens e dereitos afectados é a seguinte:

Nº de predio	Referencia catastral	Clasif. solo	Superficie total (m2)	Superficie que se vai expropiar (m2)	Bens afectados Descrición unidades		Titular
1	4593512NH4949S0001UO	Urbano consolidado URME 1 viario	399	114	Edificación en estado ruinoso	1	María Dolores Martínez Martínez	32415123G

Durante o devandito prazo, as persoas interesadas poderán examinar o seu contido nas dependencias municipais do Concello de Arteixo, sitas na travesía de Arteixo, nº 249, 3ª planta, de luns a venres, das 9.00 ás 14.00 horas, a fin de que poidan alegar e presentar os documentos e xustificacións que coiden pertinentes.

Ante a eventualidade de que poidan existir interesados descoñecidos neste procedemento, se ignore o lugar de notificación ou ben, tentada esta, non se puidese efectuar, sirva a presente notificación co alcance e a finalidade previstos no artigo 44 da Lei 39/2015, do procedemento administrativo común das administracións públicas, sen prexuízo da preceptiva publicación no BOE.

Arteixo, 13 de novembro de 2018

O alcalde
P.D. (Decreto nº 1336/2015)
José Ramón Amado de la Fuente
Concelleiro de Obras e Servizos Municipais