De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, despois de intentada a notificación persoal dúas veces, emprázanse os interesados que se sinalan no anexo para seren notificados por comparecencia, segundo o disposto no artigo 46.

Os actos foron adoptados pola xefa territorial da Consellería de Medio Ambiente, Territorio e Vivenda da Coruña, segundo o Decreto 167/2015, do 13 de novembro, polo que se establece a estrutura orgánica da Consellería de Medio Ambiente, Territorio e Vivenda.

A comparecencia deberase efectuar no prazo de dez (10) días contados desde o seguinte ao da publicación deste anuncio, na Xefatura Territorial da Consellería sita no Edificio Administrativo Monelos, Vicente Ferrer, 2-8º, A Coruña, das 9.00 ás 14.00 horas, de luns a venres.

Transcorrido o devandito prazo sen efectuarse a comparecencia, a notificación entenderase producida o día seguinte ao da publicación deste anuncio no Boletín Oficial del Estado.

A eficacia do presente anuncio queda supeditada á súa publicación no taboleiro de edictos único do Boletín Oficial del Estado.

A Coruña, 19 de novembro de 2018

Cristina Carrión Rodríguez
Xefa territorial da Coruña

ANEXO

Expediente	Interesado/a	Acto notificado	Acto adoptado por
ANI-CO-0014/2018-V	Iván Couselo García	Rectificación de erros do acordo de inicio	Xefa territorial
ANI-CO-0001/2018-V	Flora Barros Gómez	Resolución	Xefa territorial
ANI-CO-0087/2018-V	Isabel López Villar	Acordo de inicio	Xefa territorial
PES-CO-0001/2018-V	Alexei Solana Mendoza	Resolución	Xefa territorial
ANI-CO-0102/2018-V	Julia Veloso Morgade	Acordo de inicio	Xefa territorial