De conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 17.2.c) da mesma lei, esta consellería,
DISPÓN:
Primeiro. Resolver a convocatoria pública para a provisión polo sistema de libre designación, de varios postos de traballo vacantes nesta consellería, anunciada pola Orde do 17 de setembro de 2018 (DOG núm. 186, do 28 de setembro).
Segundo. Adxudicar destino nos postos de traballo que se indican ás persoas que se relacionan no anexo da presente orde.
Terceiro. Declarar deserto o posto Xefatura de servizo de desenvolvemento pesqueiro, código: PEC040000015770110, dependente da Dirección Xeral de Desenvolvemento Pesqueiro.
Cuarto. O cesamento no actual destino das persoas que obtiveron praza producirase, segundo o previsto no artigo 14 do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo, modificado polo Decreto 166/2013, do 14 de novembro, no prazo de tres días hábiles contados a partir do día seguinte ao da publicación desta orde no Diario Oficial de Galicia ou segundo o establecido na normativa de aplicación na súa Administración de orixe.
O prazo para a toma de posesión dos novos destinos será de tres días hábiles se non implican cambio de residencia ou de sete días hábiles se comportan cambio de residencia. Cando os/as adxudicatarios/as do posto obteñan coa súa toma de posesión o reingreso ao servizo activo, o prazo de toma de posesión será de vinte días hábiles.
O cómputo dos prazos de toma de posesión iniciarase cando rematen os permisos ou licenzas que, de ser o caso, se lles concedesen ás persoas designadas. No caso de incapacidade temporal, o prazo iniciarase a partir da data de alta.
Quinto. A xefatura de persoal do centro onde causen baixa os/as funcionarios/as, así como a daquel en que obteñan destino, efectuarán dentro dos prazos sinalados no punto anterior, as dilixencias de cesamento e de toma de posesión.
Sexto. Contra esta orde, que esgota a vía administrativa, as persoas interesadas poderán interpoñer recurso potestativo de reposición, perante este mesmo órgano, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido la Lei 39/2015, do 1 de outubro, do procedemento administrativo común das administracións públicas, ou poderán impugnala directamente, ante o xulgado do contencioso-administrativo competente, no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 15 de novembro de 2018
A conselleira do Mar
P.D. (Orde do 8.9.2017; DOG núm. 180, do 21 de setembro)
María Isabel Concheiro Rodríguez-Segade
Secretaria xeral técnica da Consellería do Mar
ANEXO
Apelidos e nome |
NRP |
Grupo |
Denominación |
Código |
Nº |
Centro destino |
Localidade |
Corbal González, Roberto |
3606771924A2060 |
A1 |
S.X. de Coord. Orzament. e Contrat. |
PE.C02.00.002.15770.001 |
30 |
S.X. de Coord. Orzamnt. e Contrat. |
Santiago de Compostela |
Álvarez Romero, Enrique |
3242669024A2060 |
A1 |
S.X. Xestión, Ensino e RR.SS. |
PE.C04.00.001.15770.001 |
30 |
S.X. Xestión, Ensino e RR.SS. |
Santiago de Compostela |
Otero Peña, Alberto José |
3263717435A2068 |
A1 |
S.X. Invest. e Apoio Cient.-Técnico |
PE.C04.00.003.15770.001 |
30 |
S.X. Invest. e Apoio Cient.-Técnico |
Santiago de Compostela |
Gabín Sánchez, Carlos |
7635101713A2093 |
A1 |
Director/a |
PE.C99.40.201.36600.001 |
28 |
Centro Investigacións Mariñas |
Corón. Vilanova de Arousa |
Barreiro González, Juan Carlos |
3276255135 A2067 |
A1 |
Xefe/a territorial |
PE.C99.10.000.15001.001 |
28 |
Xefatura Territorial da Coruña |
A Coruña |
Fernández Asensio, Pablo Ramón |
0307627124A207B |
A2 |
Xefe/a territorial |
PE.C99.10.000.27650.001 |
28 |
Xefatura Territorial de Lugo |
Celeiro |
Lorenzo Santos, Sonia |
3604199535A2060 |
A1 |
Xefe/a territorial |
PE.C99.10.000.36560.001 |
28 |
Xefatura Territorial de Vigo |
Vigo |