O artigo 28 do vixente Estatuto de autonomía de Galicia establece no seu ordinal 2º a competencia da Comunidade Autónoma galega no desenvolvemento lexislativo e execución da lexislación do Estado en materia de expropiación forzosa.
Con data do 2 de outubro de 2017, a Axencia Galega de Infraestruturas resolveu aprobar o proxecto de trazado da reordenación do sistema viario do núcleo das Pontes de García Rodríguez para o cumprimento por parte da central térmica da Directiva 2010/75/UE, sobre emisións industriais, de clave AC/16/248.01.
Con data do 31 de maio de 2018, a Xunta de Galicia declarou de utilidade pública e urxente ocupación os bens e dereitos afectados polo proxecto de construción da reordenación do sistema viario do núcleo das Pontes de García Rodríguez, para o cumprimento por parte da central térmica da Directiva 2010/75/UE, sobre emisións industriais, no concello das Pontes de García Rodríguez (clave AC/16/248.01), por Decreto 65/2018, publicado no Diario Oficial de Galicia do 18 de xuño de 2018.
Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954, e 56 e seguintes do regulamento para a súa aplicación, este servizo, en uso das facultades que lle confire o artigo 98 da mencionada lei, resolveu convocar os titulares de bens e dereitos afectados que figuran na relación exposta no taboleiro de anuncios do Concello das Pontes de García Rodríguez para que comparezan no lugar, datas e horas que se detallan a continuación co fin de proceder ao levantamento das actas previas á ocupación, nas cales se recollerán os datos necesarios para determinar os dereitos afectados, o valor destes e os prexuízos determinantes da rápida ocupación, sen prexuízo de se trasladaren do lugar dos predios se o consideran necesario.
Termo municipal das Pontes de García Rodríguez.
Lugar: Salón de Plenos da casa do concello.
Data: 12 de decembro de 2018, ás dez horas da mañá.
A relación de titulares cos bens e dereitos afectados, así como o plano parcelario correspondente, estarán expostos no Concello das Pontes de García Rodríguez e no Servizo Provincial da Axencia Galega de Infraestruturas da Coruña (rúa Vicente Ferrer, nº 2, 8º andar, 15071 A Coruña).
Ao dito acto deberán acudir os titulares afectados persoalmente ou ben representados pola persoa debidamente autorizada para actuar no seu nome, e xuntarán os documentos acreditativos da súa titularidade, documento nacional de identidade e o último recibo da contribución, así como certificado de conta cos códigos IBAN e BIC, co fin de proceder aos sucesivos pagamentos que sexan procedentes mediante transferencia bancaria. Poderán ir acompañados, ao seu cargo, se o consideran oportuno, dos seus peritos e notarios.
De conformidade co artigo 44 da Lei 39/2015, do 1 de outubro, do procedemento administrativo común das administracións públicas, publicarase o anuncio no Boletín Oficial del Estado, o que servirá de notificación aos propietarios descoñecidos e dos cales se ignore o lugar de notificación ou ben se, intentada esta, non se puidese efectuar.
A Coruña, 16 de novembro de 2018
Felipe de la Vega Gándaras
Xefe do Servizo Provincial da Coruña