1. Entidade adxudicadora:
a) Organismo: Augas de Galicia, entidade pública adscrita á Consellería de Infraestruturas e Mobilidade da Xunta de Galicia.
b) Dependencia que tramita o expediente: Contratación.
c) Número de expediente: OH.315.1106.
d) Enderezo da internet do perfil do contratante: http://www.contratosdegalicia.gal/consultaOrganismo.jsp?N=216. Tamén se terá acceso ao perfil do contratante desde a Plataforma de contratos públicos de Galicia a través de http://www.xunta.gal, Portal de transparencia de Galicia na web https://transparencia.xunta.gal, Plataforma de contratación do sector público https://contrataciondelestado.es por medio de enlaces de interese ás plataformas de contratación das comunidades autónomas e na páxina web http://augasdegalicia.xunta.gal/.
2. Obxecto do contrato:
a) Tipo: contrato administrativo de obra na súa modalidade de proxecto e obra.
b) Descrición: ampliación da estación depuradora de augas residuais de Rianxo. Rianxo (A Coruña).
c) CPV (referencia de nomenclatura): 45232420-2.
d) Medio de publicación do anuncio de licitación: DOUE, DOG e BOE.
e) Data de publicación do anuncio de licitación: 6.3.2018, 8.3.2018 e 8.3.2018.
3. Tramitación e procedemento:
a) Tramitación: ordinaria da licitación.
b) Procedemento: aberto con varios criterios de valoración e suxeito a regulación harmonizada.
4. Valor estimado do contrato: 6.203.589 euros.
5. Orzamento base de licitación. Importe neto: 6.203.589 euros. Importe total: 7.506.342,69 euros. Esta actuación será cofinanciada pola Unión Europea a través do Fondo Europeo de Desenvolvemento Rexional (Feder) nun 80 %, no marco do programa operativo Feder Galicia 2014-2020. A actuación enmárcase dentro do programa operativo no obxectivo temático 6: conservar e protexer o ambiente e promover a eficiencia dos recursos. Prioridade de investimento 6.2: o investimento no sector da auga para cumprir os requisitos do acervo da Unión en materia de ambiente e para abordar as necesidades, determinadas polos Estados membros, dun investimento que vaia máis alá dos ditos requisitos. Obxectivo específico 6.2.1: culminar os requisitos da Directiva marco da auga a través do investimento en infraestruturas de saneamento, depuración e reutilización de augas residuais, e mellora da calidade da auga. Actuación 6.2.1.2 (segundo o documento Criterios e procedementos de selección de operacións (CPSO): reforma e optimización dos sistemas de saneamento das rías galegas. Operación: mellora dos sistemas de saneamento e depuración na ría de Arousa. Aglomeración de Rianxo. Unha maneira de facer Europa.
6. Formalización do contrato:
a) Data de adxudicación: 21 de setembro de 2018.
b) Data de formalización do contrato: 15 de outubro de 2018.
c) Contratista: UTE-Sociedad Anónima de Obras y Servicios Copasa & Pesa Medioambiente, S.A.U.
d) Importe ou canon de adxudicación. Importe neto: 5.013.120,27 euros. Importe total: 6.065.875,53 euros.
e) Vantaxes da oferta do adxudicatario: proposición economicamente máis vantaxosa por obter a maior puntuación total con base na aplicación dos criterios de adxudicación establecidos no prego de cláusulas administrativas particulares, nos cales se inclúen as características que determinan a selección da súa oferta con preferencia á dos restantes licitadores admitidos no procedemento de adxudicación correspondente.
7. Outras informacións:
A adxudicación do citado contrato, en cumprimento do artigo 151 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, e conforme o disposto no prego de cláusulas administrativas particulares, foi debidamente notificada aos licitadores e publicada no perfil do contratante.
O que se fai público para os efectos previstos no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
Santiago de Compostela, 30 de outubro de 2018
A presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Teresa María Gutiérrez López
Directora de Augas de Galicia
