En cumprimento do artigo 49 do Regulamento de expropiación forzosa, do 26 de abril de 1957, acordo facer o pagamento do prezo xusto por mutuo acordo dos bens e dereitos afectados pola obra Conexión CG 1.5 en Sampaio-Portobravo (clave AC/12/031.01), no concello de Noia que se relacionan no anexo.
O pagamento realizarase mediante transferencia bancaria a quen figura como titular na acta previa. No suposto de cambio na titularidade da propiedade que figura na acta previa, deberán achegar documentación que acredite a transmisión da propiedade e DNI do novo titular.
A contía pagadoira será o resultado de deducir do prezo xusto o importe correspondente ao depósito previo. Para proceder ao pagamento, os titulares dos bens e dereitos afectados deben proporcionar un certificado de titularidade da conta bancaria co número de conta completo (incluído IBAN e BIC) dentro dos quince (15) días naturais, no cal todos os propietarios figuren conxuntamente como titulares. No caso de que no devandito período non se proporcione a documentación, a transferencia aos titulares non se poida levar a cabo e/ou a propiedade dos bens e dereitos afectados non se acredite suficientemente, o importe do prezo xusto depositarase na caixa xeral de depósitos.
A documentación requirida debe presentarse por calquera dos seguintes medios: nas oficinas de asistencia en materia de rexistros, nas oficinas postais dirixidas ao Servizo Provincial da Axencia Galega de Infraestruturas da Coruña (rúa Vicente Ferrer, 2, 8º andar, 15071 A Coruña), mediante presentación electrónica no enderezo https://sede.xunta. gal/detalle-procedemento?codtram=PR004A, ou por calquera dos medios previstos no artigo 16 da Lei 39/2015, do procedemento administrativo común das administracións públicas.
Conforme establece o artigo 44 da Lei 39/2015, do 1 de outubro, do procedemento administrativo común das administracións públicas, a publicación desta resolución no Boletín Oficial del Estado servirá como notificación aos posibles interesados que non puidesen ser identificados, aos titulares de bens e dereitos que sexan descoñecidos, a aqueles dos cales se ignore o domicilio, ou ben a quen, tentada a súa notificación, non se lle puido practicar.
A Coruña, 2 de outubro de 2018
Felipe de la Vega Gándaras
Xefe do Servizo Provincial da Coruña
ANEXO
Predio |
Letra |
Apelidos |
Nome |
86 |
Filgueira Liboreiro |
Mª Dolores e outros |
|
89 |
Filgueira Liboreiro |
Mª Dolores e outros |
|
92 |
Filgueira Liboreiro |
Mª Dolores e outros |
|
94 |
Filgueira Liboreiro |
Mª Dolores e outros |
|
77 |
Hermo Rey |
José Primitivo |
|
51 |
Martínez Gómez |
Isolino |
|
4 |
Martínez Vieites |
Mª Esther e outros |
|
5 |
Martínez Vieites |
Mª Esther e outros |
|
6 |
Pais Agrafojo |
Alicia |
|
7 |
Pais Agrafojo |
Alicia |
|
49 |
Reino Romero |
Enrique e outra |
|
118 |
Siso Blanco |
Hdros. Benito |
|
125 |
Tajes Martínez |
Ramón e José Antonio |