De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, emprázanse por medio do presente anuncio, publicado no Boletín Oficial do Estado (BOE), os interesados da zona de concentración parcelaria de Beán-Pereira (Ordes, A Coruña), que se relacionan no anexo, para seren notificados de resolucións que os afectan.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

Os interesados poderán coñecer o contido íntegro das resolucións mediante comparecencia nas dependencias desta xefatura territorial, sita na rúa Vicente Ferrer, nº 2, Edificio Administrativo de Servizos Múltiples de Monelos, A Coruña, das 9.00 ás 14.00 horas, de luns a venres.

A comparecencia deberase efectuar no prazo de quince (15) días, contados desde o seguinte ao da publicación deste anuncio no BOE.

Transcorrido o devandito prazo sen efectuarse a comparecencia, a notificación entenderase producida desde o día seguinte ao da publicación.

A Coruña, 25 de outubro de 2018

Mónica López López
Xefa territorial da Coruña

ANEXO

Acto notificado: Resolución do 4.9.2018 da Dirección Xeral de Desenvolvemento Rural.

Interesado: Antonio Mira Castro.

Acto notificado: Resolución do 13.9.2018 da Dirección Xeral de Desenvolvemento Rural.

Interesada: Dolores Sánchez Botana.