Mediante a Resolución da Axencia Galega de Innovación do 11 de xuño de 2018 (Diario Oficial de Galicia núm. 123, do 28 de xuño) convocáronse as subvencións para a consolidación e a estruturación de unidades de investigación competitivas nos centros tecnolóxicos consolidados de Galicia.
No seu artigo 12 regúlase a resolución e notificación destas axudas unha vez que a comisión de valoración avalíe as solicitudes admitidas e emita un informe no cal se concrete o resultado da avaliación efectuada e a contía da axuda proposta, conforme os criterios establecidos no artigo 10 da Resolución do 11 de xuño de 2018 e modificada pola Resolución do 22 de outubro de 2018 de ampliación de crédito.
Na súa virtude, e atendendo á proposta elaborada na sesión do 23 de outubro de 2018 pola comisión de valoración establecida no artigo 9 das bases da Resolución do 11 de xuño de 2018, a Axencia Galega de Innovación.
RESOLVE:
1. Conceder as axudas para a consolidación e estruturación de unidades de investigación competitivas nos centros tecnolóxicos consolidados de Galicia que a continuación se relacionan polos importes que se indican:
Expediente administrativo |
Entidade beneficiaria |
Acrónimo |
NIF |
Importe da axuda (€) |
IN845A-1 |
Asoc. Nac. Ftes. Conservas Pescados y Mariscos-Centro Técnico Nac. Conservación Productos Pesca |
Anfaco-Cecopesca |
G36625309 |
356.839,41 |
IN845A-2 |
Fundación Centro Tecnológico de Eficiencia y Sustentabilidad Energética |
Energylab |
G27719913 |
50.657,25 |
IN845A-3 |
Fundación Instituto Tecnológico de Galicia |
ITG |
G15305923 |
90.125,43 |
IN845A-4 |
Fundación Centro Tecnolóxico de Telecomunicacións de Galicia |
Gradiant |
G36997229 |
364.047,93 |
IN845A-5 |
Cluster de la Acuicultura |
Cetga |
G36884260 |
114.097,30 |
IN845A-6 |
Asociación de Investigación Metalúrgica del Noroeste-Centro Tecnológico Aimen |
Aimen |
G36606291 |
441.320,62 |
IN845A-7 |
Fundación para la Promoción de la Inn., Inv. y Des. Tec. en la Industria de Automoción de Galicia |
Ctag |
G36871424 |
497.262,01 |
IN845A-8 |
Fundación Centro Tecnológico de Investigación Multisectorial |
Cetim |
G70302427 |
101.008,25 |
IN845A-9 |
Fundación Centro Gallego de Investigaciones del Agua |
Cetaqua |
G70312020 |
49.641,80 |
2. O importe total das axudas concedidas é de dous millóns sesenta e cinco mil euros (2.065.000,00 €), con cargo á aplicación orzamentaria que se recolle no seguinte cadro:
Aplicación orzamentaria |
Importe total |
09.A3.561A.781.0 |
2.065.000,00 |
3. Para a xustificación da subvención deberá presentarse a documentación indicada no artigo 19 da resolución de convocatoria nos prazos establecidos no seu artigo 20 e modificado pola Resolución do 22 de outubro de 2018 pola que se modifica o prazo de xustificación da axuda.
4. Contra esta resolución, sen prexuízo de que os interesados poidan exercer calquera outro que consideren procedente, poderán interpoñer recurso de alzada no prazo dun mes desde o día seguinte ao da publicación desta resolución no Diario Oficial de Galicia, perante o presidente da Axencia Galega de Innovación, segundo o disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 26 de outubro de 2018
Patricia Argerey Vilar
Directora da Axencia Galega de Innovación