Eu, Mª Asunción Barrio Calle, letrada da Administración de xustiza da Sección Primeira da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 2111/2018 desta sección, seguido por instancia de Victoria Dolores Portas Castro contra Campiñas de Laíño, Refojo y González, S.R.L., Hipescar, S.L., Admón. concursal Campiñas de Laíño (Juan Manuel Capella Pérez), Admón. concursal Refojo y González (María José Lorenzo Gómez), Fogasa, sobre Fondo Garantía Salarial, se ditou a seguinte resolución:

«Resolvemos que, con desestimación do recurso interposto polo Fondo de Garantía Salarial, confirmamos a sentenza que, con data 29 de decembro de 2017, foi ditada en autos tramitados polo Xulgado do Social número 2 de Santiago de Compostela, por instancia de Victoria Dolores Portas Castro e pola que se acolleu a demanda formulada.

Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 euros na conta de 16 díxitos desta sala, aberta no Banco de Santander (Banesto) co número 1552 0000 35, seguida de catro díxitos correspondentes ao número do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 35 **** ++).

Unha vez firme, expídase certificación para constancia na peza, que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma á empresa Hipescar, S.L., con último domicilio coñecido en San Xoán de Laíño, Imo, Dodro (Pontevedra), expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 16 de outubro de 2018

A letrada da Administración de xustiza