Mediante a Orde do 28 de marzo de 2018 da Consellería de Facenda foi autorizado o alleamento, mediante poxa pública, dun ben inmoble propiedade da Comunidade Autónoma de Galicia situado no concello da Coruña.
Logo de publicarse o 6 de xuño de 2018 no Diario Oficial de Galicia número 107 e nos xornais de ampla difusión (Diario de Ferrol e La Voz de Galicia do mesmo día), o Anuncio do 15 de maio de 2018 da Secretaría Xeral Técnica e do Patrimonio, de alleamento do citado inmoble, celebrouse o 19 de xullo de 2018 a poxa pública anunciada, co que, á vista da acta da mesa de contratación, de conformidade co disposto no artigo 70 do Decreto 50/1989, polo que se aproba o Regulamento para a execución da Lei do patrimonio da Comunidade Autónoma galega, e tras a proposta da Secretaría xeral Técnica e do Patrimonio,
DISPOÑO:
Primeiro. Declarar deserta en primeira, segunda e terceira poxa a adxudicación do seguinte ben inmoble:
Urbana, terreo de 486 m², sobre o que se asentaba unha edificación de 207 m², que foi caseta de legoeiros na estrada AC-552 A Coruña-Fisterra, no lugar de San Xosé, no concello da Coruña. Estrema o conxunto: norte, predio a nome de Repsol Petróleo, S.A. de 1.283.266 m² e referencia catastral 4806502NJ4050S0001AY; leste, predio a nome de José Pérez Paz de 72 m² e referencia catastral 5601402NJ4050S0001AY; oeste e sur, estrada AC-550 A Coruña-Fisterra, de titularidade da Comunidade Autónoma de Galicia-límite de solo da zona urbana. Inscrita no Rexistro da Propiedade número 2 da Coruña como predio 99405, ao folio 164 do libro 1885. Referencia catastral 5601401NJ4050S0001WY.
Tipo de licitación, primeira poxa: 219.883,59 euros.
Tipo de licitación, segunda poxa: 186.901,05 euros.
Tipo de licitación, terceira poxa: 153.918,51 euros.
Segundo. Contra esta resolución, que pon fin á vía administrativa, poderase interpoñer recurso potestativo de reposición perante esta consellería no prazo dun mes, contado desde o día seguinte ao da súa publicación no Diario Oficial de Galicia, ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses.
Santiago de Compostela, 16 de outubro de 2018
O conselleiro de Facenda
P.D. (Orde do 9.1.2012; DOG núm. 9, do 13 de xaneiro)
Mª del Socorro Martín Hierro
Secretaria xeral técnica e do Patrimonio da Consellería de Facenda