De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e ao abeiro do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de intentar sen éxito a notificación persoal a través do servizo de Correos, se notifica á interesada que se sinala no anexo a resolución do expediente de reintegro da subvención concedida. A eficacia do acto administrativo queda supeditada á súa publicación no taboleiro de edictos único do Boletín Oficial del Estado (TEU do BOE), polo que os prazos se computarán a partir do día seguinte ao da publicación dese anuncio no TEU do BOE.

Sen prexuízo do anterior e en virtude do disposto no artigo 59.4 da citada Lei 30/1992, do 26 de novembro, este anuncio publícase no Diario Oficial de Galicia.

Este anuncio remitirase, así mesmo, ao concello correspondente ao último enderezo coñecido da interesada, en aplicación do artigo 59.5 da Lei 30/1992, do 26 de novembro, co obxecto de que se proceda á súa publicación por medio dun anuncio no seu taboleiro de edictos.

A interesada poderá comparecer nas oficinas desta dirección xeral, sita no Edificio Administrativo San Caetano, s/n, de Santiago de Compostela, das 9.00 ás 14.00 horas, de luns a venres, para o coñecemento íntegro da resolución e constancia de tal coñecemento.

Contra a resolución que se notifica, que pon fin á vía administrativa, poderase interpoñer recurso de reposición ante a conselleira do Mar no prazo de un mes, ou ben recurso contencioso-administrativo ante o órgano competente desta orde xurisdicional no prazo de dous meses, contados, en ambos os casos, a partir do día seguinte ao da publicación do anuncio no TEU do BOE.

Santiago de Compostela, 16 de outubro de 2018

Mercedes Rodríguez Moreda
Directora xeral de Pesca, Acuicultura e Innovación Tecnolóxica

ANEXO

Beneficiaria: Pescachao, S.L. (representante: José Antonio Rey Lestegas).

NIF: B27184985.

Número de expediente SXPA: PE 107D/2010-37-2.

Proxecto: Modernización buque pesqueiro Marcialito Quinto (VI-1-2-96).

Acto de notificación: resolución do procedemento de reintegro da subvención concedida, da conselleira do Mar, ditada no 6 de agosto de 2018.

Último enderezo coñecido: rúa Cervantes, 34, 27780 Foz (Lugo).