Eu, María Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 1828/2018-CON desta sección, seguido por instancia de Martín González Tarrío contra Fogasa e Hipescar, S.L., sobre incidentes de execución, se ditou a seguinte resolución:

Estimamos o recurso de suplicación e acordamos a nulidade do Auto impugnado do 9 de xaneiro de 2018, así como a nulidade parcial do Auto do 7 de agosto de 2017 en canto á denegación do despacho de execución respecto de Campiñas Laíño, S.A. e Refojo y González, S.L., mantendo o despacho de execución respecto de Hispescar, S.L. Todo isto para que o órgano de instancia, asumindo a súa competencia, acorde o que sexa procedente en canto ao despacho da execución solicitada contra Campiñas Laíño, S.A. e Refojo y González, S.L.

Todo isto confirmando a resolución de instancia e sen condena en custas.

Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes ao da data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano del.

– Así mesmo, se hai cantidade de condena deberá consignala na mesma conta, pero co código 80 en vez do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo «Observacións ou Concepto da transferencia» os 16 díxitos que corresponden ao procedemento (1552 0000 80 ou 37 **** ++).

Así o pronunciamos, mandamos e asinamos por esta nosa sentenza.

Para que sirva de notificación en legal forma á empresa Hipescar, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 25 de setembro de 2018

A letrada da Administración de xustiza