A Academia Galega de Seguridade Pública remitiu escritos de requirimento de documentación relativos ao procedemento de inscrición no Rexistro Profesional de Socorristas Acuáticos de Galicia, regulado polo Decreto 104/2012, do 16 de marzo, polo que se fixa a formación mínima dos socorristas acuáticos e se crea e regula o Rexistro Profesional de Socorristas Acuáticos de Galicia, modificado polo Decreto 35/2017, do 30 de marzo, das persoas interesadas que se indican no anexo.
Intentada por dúas veces a notificación do citado requirimento a través do servizo de Correos no domicilio indicado polas persoas interesadas para os efectos de notificación, esta non se puido efectuar e foi devolta polo dito servizo.
Polo exposto, esta dirección xeral, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, en virtude do presente anuncio, notifícalles ás persoas interesadas que se indican no anexo o requirimento antes citado.
As persoas interesadas poden recoller o requirimento mediante comparecencia nas dependencias da Academia Galega de Seguridade Pública (rúa da Cultura, s/n, A Estrada, Pontevedra), das 9.00 ás 14.00 horas, no prazo de dez días contados a partir do seguinte ao da publicación deste anuncio no Boletín Oficial del Estado.
Así mesmo, infórmanse as persoas interesadas que, de conformidade co artigo 68.1 da citada lei, transcorrido o dito prazo sen que comparezan, se considerará que desisten da súa petición, logo de resolución ditada nos termos previstos no artigo 21.
Contra a referida resolución, que non pon fin á vía administrativa, poderán interpoñer as persoas interesadas, no prazo dun mes contado a partir do día seguinte ao da súa comparecencia para recoller a resolución, ou ao do transcurso do prazo previsto nos parágrafos anteriores sen que a persoa interesada compareza, recurso de alzada ante o vicepresidente e conselleiro de Presidencia, Administracións Públicas e Xustiza, conforme as previsións da Lei 39/2015, do 1 de outubro, do procedemento administrativo común das administracións públicas.
A Estrada, 27 de setembro de 2018
Luis Menor Pérez
Director xeral da Academia Galega de Seguridade Pública
ANEXO
Solicitante: Beatriz Casado Cabrera.
Acto notificado: requirimento de documentación relativo ao procedemento de inscrición no Rexistro Profesional de Socorristas Acuáticos de Galicia.
Solicitante: Ziro de Paz Dorado.
Acto notificado: requirimento de documentación relativo ao procedemento de inscrición no Rexistro Profesional de Socorristas Acuáticos de Galicia.
