Logo de intentar en tempo e forma a práctica das notificacións que se relacionan no anexo sen que fose posible por causas non imputables á Administración, de conformidade cos artigos 40, 42, 44 e 46 da Lei 39/2015, do 1 de outubro, do procedemento administrativo común das administracións públicas, notifícanselles as resolucións ás persoas interesadas que se sinalan no anexo, ou aos seus representantes debidamente acreditados.

Para coñeceren o contido íntegro do acto que se notifica, as persoas interesadas, ou os seus representantes debidamente acreditados, poderán comparecer no prazo de dez (10) días, contados desde o seguinte ao da publicación deste anuncio no Boletín Oficial del Estado, nas dependencias da Sección de Cualificación e Valoración de Discapacidades do Servizo de Dependencia e Autonomía Persoal da Xefatura Territorial da Consellería de Política Social, sitas no Edificio Administrativo, ala sur, Monelos; rúa Vicente Ferrer, 2, 15008 da Coruña, das 9.00 ás 14.00 horas, de luns a venres.

Transcorrido o prazo sen efectuarse a comparecencia, a notificación entenderase producida a partir do día seguinte ao do vencemento indicado para comparecer.

Advírteselles que, contra as resolucións que se notifican, poderá interpoñerse a demanda perante a xurisdición social no prazo de trinta (30) días contados desde o día seguinte ao da notificación das ditas resolucións, de conformidade co artigo 71.6 da Lei 36/2011, do 10 de outubro, reguladora da xurisdición social.

A Coruña, 12 de setembro de 2018

María Francisca Gómez Santos
Xefa territorial da Coruña

ANEXO

Contido do acto	Data da resolución	Nº de expediente	DNI	Apelidos e nome
Resolución de inadmisión de reclamación previa	10.7.2018	CO212970	*****574Z	Casas Cabana, Sandra
Resolución de caducidade e acordo de arquivamento dunha reclamación por incomparecencia á citación	19.2.2018	CO216623	*****205P	Quiala Rodríguez, Luz María
Resolución desestimatoria de reclamación previa	9.7.2018	CO49505	*****855K	Gómez Santos, Santiago