De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común e das administracións públicas, notifícaselles e outórgaselles audiencia aos titulares dos establecementos que no anexo se mencionan, no procedemento de baixa da autorización e cancelación da inscrición no Rexistro de Empresas e Actividades Turísticas da Comunidade Autónoma galega.

Mediante visita da Inspección, da Área Provincial de Turismo de Ourense, comprobou que nos establecementos que se relacionan no anexo non se realiza nin exerce a actividade turística para a cal foron autorizados no seu día.

Ao considerar que nos expedientes non consta ningunha comunicación do cesamento da actividade, esta xefatura territorial acordou, ao abeiro do establecido no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma galega, iniciar o expediente de baixa de oficio dos establecementos relacionados no anexo.

O que se lles notifica aos titulares dos establecementos referidos, para que no prazo de quince (15) días poidan efectuar as alegacións que consideren pertinentes, para o cal poderán examinar o expediente e obter copias dos documentos contido nel na Área Provincial de Turismo de Ourense.

Ourense, 21 de setembro de 2018

Cecilio Santalices de la Escosura Mourille
Xefe da Área Provincial de Turismo de Ourense

ANEXO

Establecemento	Titular	Enderezo	Concello
Café bar Sifón	Antonio Cortés Domínguez	Beresmo, 13	Avión
Café bar Barroso	Mª Adela Domínguez Durán	Beresmo, 13	Avión
Café bar Candello	Estefanía Pardavila Parada	Rúa da Paz, 5	A Pobra de Trives
Cafetería Alpina	Eduardo Feijoo Moran	Ervedelo, 15	Ourense
Cafetería La Toscana	Dani y Gus, S.L.	C.C. Ponte Vella, lc. 9	Ourense
T.R. A Dormiñona	José Luis Fernández Mtnez.	As Ermidas, 9	O Bolo
Café Bar Mojito+Café	Marienis y Juan, S.C.	Dr. Temes Fdez., 18 bx.	Ourense
Restaurante O Muíño das Lousas	O Muíño Restauración, S.L.	Rúa dos Muíños	O Carballiño
Café Bar O Muíño das Lousas	O Muíño Restauración, S.L.	Rúa dos Muíños	O Carballiño