Consonte ao establecido no artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro) procédese a publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a este mandato,
DISPOÑO:
Artigo único
Darlle publicidade aos convenios subscritos pola Consellería de Infraestruturas e Vivenda no segundo cuadrimestre do ano 2018, que se incorporan como anexo a esta resolución.
Santiago de Compostela, 18 de setembro de 2018
Joaquín Macho Canales
Secretario xeral técnico da Consellería de Infraestruturas e Vivenda
ANEXO
Convenios de colaboración subscritos pola Consellería de Infraestruturas e Vivenda no segundo cuadrimestre de 2018
Descrición |
Data da sinatura |
Importe |
Prórroga do convenio de colaboración para desenvolvemento conxunto do transporte metropolitano de Galicia na Área de Transporte Metropolitano de Lugo, asinado o día 29 de decembro de 2010. |
16.5.2018 |
118.664,80 € |
Convenio específico entre a Xunta de Galicia, o Concello de Santiago de Compostela e a entidade pública empresarial Adif-Alta velocidade, para a execución dunha pasarela peonil urbana sobre a praia de vías da estación de ferrocarril, co fin de conectar a dita estación coa nova estación de autobuses e mellorar a permeabilidade transversal da cidade conectando os barrios do Ensanche e Pontepedriña, no ámbito da futura estación intermodal de Santiago de Compostela, cofinanciado polo Fondo Europeo de Desenvolvemento Rexional (Feder), no marco do programa operativo Feder Galicia 2014-2020. |
25.5.2018 |
1.773.000,00 € |
Convenio entre a Consellería de Infraestruturas e Vivenda da Xunta de Galicia, o Concello de Vigo e a entidade pública empresarial Adif-Alta velocidade, para a execución dos accesos e nova vialidade urbana da contorna da estación intermodal de Vigo. |
31.5.2018 |
1.698.979,18 € |