Con data do 27 de agosto de 2018, adoptouse en pleno o acordo polo que se aproba inicialmente o expediente do Plan especial de infraestruturas e dotacións para construción de planetario-observatorio astronómico no concello da Veiga, rexistrado de entrada neste Concello con data do 24 de abril de 2018 e nº de rexistro 362.

En virtude do disposto polo artigo 75 da Lei 2/2016, do 10 de febreiro, do solo de Galicia, e polo artigo 186 do Decreto 143/2016, do 22 de setembro, polo que se aproba o Regulamento da Lei 2/2016. o expediente de referencia queda sometido a información pública polo prazo de dous meses contado a partir do día seguinte a aquel en que se produza a presente publicación no Diario Oficial de Galicia.

Durante o devandito prazo as persoas interesadas poderán examinar o seu contido nas oficinas municipais situadas na praza do Concello nº 1, de luns a venres, das 9.00 ás 14.00 horas, e presentar as alegacións que consideren pertinentes.

O contido íntegro do plan especial pódese consultar no seguinte enderezo electrónico http://aveiga.sedelectronica.gal/info.0

A Veiga, 28 de agosto de 2018

Juan Anta Rodríguez
Alcalde