A Xunta de Goberno da Cidade de Santiago de Compostela, na sesión ordinaria que tivo lugar o día 18 de maio de 2018, adoptou, entre outros, o seguinte acordo:

a) Aprobar inicialmente o estudo de detalle, presentado por Construcciones Ruafer, S.A., con data do 16.2.2018 e formulado polo arquitecto Javier Amenedo, para a reordenación de volumes nos bloques ER-1-2-3-4-5-6-7-8 do SUNP-14 (Tras Paxonal).

b) En aplicación do procedemento regulado polos artigos 80.2 da Lei 2/2016, do 10 de febreiro, do solo de Galicia (LSG), e 194 do seu regulamento, o proxecto inicialmente aprobado someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e nun xornal dos de maior difusión na provincia. Simultaneamente, practicarase citación persoal aos titulares catastrais dos terreos afectados.

Como condición para a apertura do trámite de exposición pública emendaranse as seguintes deficiencias:

– No número 1 (antecedentes) rectificarase a data de aprobación definitiva do Plan de sectorización (30.3.2006) e engadirase a referencia á modificación puntual aprobada o 30.7.2009.

– Incluirase un texto refundido da vixente Ordenanza 1, segundo a modificación puntual aprobada en xullo de 2009, que outorgou unha nova redacción ao número 5 (altura de la edificación) da Ordenanza 1.

– Incorporarase o plano de ordenación PS-7 resultante da citada modificación puntual.

– No número 2.3 incluiranse as normas que resulten das novas condicións de composición e ordenación volumétrica definidas no estudo de detalle, indicando que este non altera a parcelación, aliñacións, superficies edificables e usos definidas polo plan vixente.

Con data do 17 de xullo de 2018, a promotora presentou un documento de cumprimentación do sinalado no acordo de aprobación inicial.

O que se publica co fin de que, durante o prazo dun mes, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, das 9.00 ás 14.00 horas; e na páxina web do Concello http://transparencia.santiagodecompostela.gal/Estudo-de-detalle-das-parcelas-ER-1-2-3-4-5-6-7-8-no-ambito-do-SUNP-14.-Tras-Paxonal/gl.

Santiago de Compostela, 19 de setembro de 2018

O alcalde
P.D. (Decreto do 28 .6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais