O Decreto 25/2001, do 18 de xaneiro, polo que se regulan a organización e o funcionamento do Consello Galego de Cooperativas, en desenvolvemento das previsións contidas na súa norma de creación, a Lei 5/1998, do 18 de decembro, de cooperativas de Galicia, regula no seu artigo 4 a composición do Consello, no artigo 5 o procedemento de nomeamento e cesamento dos seus membros, e no artigo 6 a duración do mandato e substitucións.
Os actuais membros do Consello Galego de Cooperativas foron nomeados mediante a Orde do 16 de outubro de 2017 pola que se procede ao nomeamento de membros do Consello Galego de Cooperativas, e mediante a Orde do 27 de xuño de 2018 pola que se procede ao cesamento e nomeamento de membros do Consello Galego de Cooperativas.
O 6 de xullo de 2018, a Unión de Cooperativas Espazocoop comunicou a súa proposta de modificación das persoas representantes desta entidade no Consello Galego de Cooperativas como consecuencia do cambio na composición do seu consello reitor.
En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta de Galicia e da súa Presidencia, e o artigo da 5 do Decreto 25/2001, do 18 de xaneiro, polo que se regulan a organización e o funcionamento do Consello Galego de Cooperativas,
RESOLVO:
Primeiro
Que cese Ana Olveira Blanco como titular segunda do Consello Galego de Cooperativas, Alfonso Diego Fernández Rodríguez como suplente primeiro e Constantino Gago Conde como suplente segundo do Consello Galego de Cooperativas.
Segundo
Nomear a Constantino A. Gago Conde como titular segundo do Consello Galego de Cooperativas, a Miguel Anxo Filgueira Touriño como suplente primeiro e a Roberto Andrés Sanmartín como suplente segundo do Consello Galego de Cooperativas.
Contra esta orde poderase interpoñer potestativamente recurso de reposición, ante o conselleiro de Economía, Emprego e Industria, no prazo dun mes contado desde o día seguinte ao da súa publicación, de conformidade co establecido no artigo 123 da Lei 39/2015, do 1 de outubro, do procedemento administrativo común das administracións públicas, ou interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 4 de setembro de 2018
Francisco Conde López
Conselleiro de Economía, Emprego e Industria