Mediante Resolución da Alcaldía 1953/2018, do 18 de xullo de 2018, aprobouse a subscrición do texto inicial do convenio urbanístico de execución de planeamento que se celebrará entre este concello e a entidade Santiago Fuentes, S.L. para a obtención de terreos vinculada coa actuación do proxecto de obras ordinarias de urbanización para a mellora e adecuación da Fonte do Abade e o seu contorno (expediente 5/2018.OOU), subscrito inicialmente o 18 de xullo de 2018.
O texto íntegro do convenio, a Resolución da Alcaldía 1953/2018 e a identificación gráfica do ámbito espacial ao que se refire este pódense consultar na páxina web do Concello de Arteixo, no seguinte enderezo electrónico http://www.arteixo.org/gl/noticia/subscricion-de-texto-inicial-de-convenio-urbanistico-fonte-do-abade
O texto do convenio sométese a información pública polo período dun mes contado desde a publicación deste anuncio no DOG.
Arteixo, 6 de setembro de 2018
O alcalde
P.D. (Decreto núm. 1336, do 6.7.2015)
Luis Alberto Castro Calvete
Concelleiro do Departamento de Urbanismo e Medio Ambiente