O Pleno da corporación acordou, en sesión ordinaria que tivo lugar o día 9 de agosto de 2018, para os efectos da aplicación do artigo 42.9 da Lei 2/2016, do 10 de febreiro, do solo de Galicia, aprobar a fixación da porcentaxe de reserva total de solo para vivenda suxeita a algún réxime de protección pública do Concello de Arteixo, que se estableceu nun 10 %.

Contra o dito acordo plenario poderase interpor recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses contados a partir do día seguinte ao da publicación do presente anuncio (artigo 46 da Lei 29/1998, do 13 de xullo, reguladora da xurisdición contencioso-administrativa).

O contido íntegro da norma urbanística pódese consultar na sede electrónica do Concello de Arteixo, no seguinte enderezo electrónico: https://sede.arteixo.org/gl/informacion/verificacion_documentos/, introducindo o CVD: 2uMWDvZSszx2sNBDDp8B.

Arteixo, 29 de agosto de 2018

O alcalde
P.D. (Decreto núm. 1336, do 6.7.2015)
Luís Alberto Castro Calvete
Concelleiro do Departamento de Urbanismo e Medio Ambiente