A Xunta de Goberno local do Concello de Ames, en sesión do 26 de xullo de 2018, acordou a aprobación inicial do Plan especial de dotacións e infraestruturas da Travesía da Moa, no lugar do Milladoiro.

De conformidade co establecido no artigo 75.1 da Lei 2/2016, do 10 de febreiro, do solo de Galicia, sométese a información pública polo prazo de dous meses, contados a partir da última publicación deste anuncio no Diario Oficial de Galicia, nun dos xornais de maior difusión da provincia e no portal de transparencia deste Concello.

Durante o devandito prazo poderá ser examinado por calquera interesado nas dependencias municipais (Departamento de Urbanismo), situadas na rúa Alcalde Lorenzo, nº 2, 1º, Bertamiráns, das 9.00 ás 14.00 horas, e poderanse formular as alegacións que se consideren pertinentes.

Ames, 30 de xullo de 2018

José M. Miñones Conde
Alcalde