Procedemento ordinario (PO) 482/2017

Demandante: Emma Maquieira Moldes

Avogada: Celeste María Barco Vega

Demandados: Sertran Conservación, S.L., Fogasa

Avogado: (...), letrado de Fogasa

Eu, Alberto López Luengo, letrado da Administración de xustiza do Xulgado do Social número 4 de Pontevedra, fago saber que por resolución ditada no día da data no proceso seguido por instancia de Emma Maquieira Moldes contra Sertran Conservación, S.L., Fogasa, en reclamación por ordinario, rexistrado co número de procedemento ordinario 482/2017, se acordou, en cumprimento do que dispón o artigo 59 da LXS, citar a Sertran Conservación, S.L., en ignorado paradoiro, co fin de que compareza o día 24 de xaneiro de 2019 ás 10.35 horas na planta baixa, sala 6, Edificio de Xulgados, para a realización dos actos de conciliación e, de ser o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

No caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida este estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que lle sirva de citación a Sertran Conservación, S.L., expídese a presente cédula para a súa publicación no Diario Oficial de Galicia e colocación no taboleiro de anuncios.

Pontevedra, 19 de xuño de 2018

O letrado da Administración de xustiza