O Consello da Xunta de Galicia, na súa xuntanza do día 26 de xullo de 2018, aprobou as bases que rexerán o concurso público para o outorgamento de sete licenzas para a prestación de servizos de comunicación audiovisual televisiva de titularidade privada de ámbito local e acordou a súa convocatoria.
1. Entidade adxudicadora.
O órgano competente para adxudicar a licenza para a prestación do servizo de comunicación audiovisual televisiva é o Consello da Xunta.
A Secretaría Xeral de Medios é o órgano competente para a tramitación das solicitudes.
2. Obxecto do concurso.
Sete licenzas para a prestación do servizo de comunicación audiovisual televisiva de titularidade privada que se detallan no anexo I da presente resolución.
3. Garantías.
Determinadas no anexo III das bases.
4. Prazo e lugar de presentación.
As solicitudes poderán presentarse en horario de apertura do Rexistro Xeral da Xunta de Galicia, no Edificio Administrativo de San Caetano en Santiago de Compostela, dentro do prazo de trinta días naturais contados a partir do día seguinte ao da publicación do Acordo do Consello da Xunta polo que se aproban as bases e se convoca o concurso de adxudicación das licenzas.
Así mesmo, a presentación poderá realizarse mediante envío por correo certificado con destino ao dito rexistro, caso en que o interesado deberá acreditar, co xustificante correspondente, a data de imposición do envío e comunicar no mesmo día á Secretaria Xeral de Medios, por fax ao número 981 54 12 89, ou telegrama, a remisión da solicitude que deberá ser, en todo caso, anterior á finalización do prazo para a presentación de solicitudes. Esta acreditación poderá realizarse tamén por correo electrónico ao enderezo radiodifusión.sxmedios@xunta.es, ben que este medio soamente será válido se existe constancia da súa transmisión e recepción, das súas datas e do contido íntegro das comunicación e se identifica fidedignamente ao remitente e ao destinatario.
5. Forma de presentación.
A establecida nas bases do concurso.
6. Modelo de solicitude.
O que figura como anexo II das bases do concurso.
7. Obtención de documentación.
As bases e os seus anexos estarán a disposición dos solicitantes:
a) No seguinte enderezo da internet: http://medios.xunta.es
b) Nas dependencias da Subdirección Xeral de Réxime Xurídico da Secretaria Xeral de Medios no Edificio Administrativo de San Caetano.
8. Teléfonos de información: 981 54 43 22 e 981 54 12 30.
Santiago de Compostela, 30 de xullo de 2018
Mar Sánchez Sierra
Secretaria xeral de Medios
ANEXO I
|
Ref. |
Denominación |
Canle |
Pra. |
Ámbito |
Superficie total |
Densidade poboación |
Licenzas dispoñibles |
|
TL07C |
As Pontes de García Rodríguez |
24 |
100 W |
Pontes de García Rodríguez (As), Pontedeume, Cabanas, Monfero, Capela (A), Muras |
702,43 km2 |
41,68 hab/km2 |
1 |
|
TL01LU |
Chantada |
52* |
50 W |
Chantada, Taboada, Carballedo |
442,85 km2 |
38 hab/km2 |
1 |
|
TL04LU |
Vilalba |
29 |
100 W |
Vilalba, Guitiriz, Castro de Rei, Cospeito, Pastoriza (A), Begonte, Abadín e Xermade |
1.691,16 km2 |
28 hab/km2 |
1 |
|
TL05LU |
Viveiro |
40 |
100 W |
Viveiro, Foz, Ribadeo, Burela, Cervo, Xove, Barreiros |
565,75 km2 |
96 hab/km2 |
1 |
|
TL01OU |
O Barco de Valdeorras |
56* |
100 W |
Barco de Valdeorras (O), Rua (A), Vilamartín de Valdeorras, Carballeda de Valdeorras, Rubiá, Veiga (A), Bolo (O), Petín |
769,68 km2 |
37 hab/km2 |
1 |
|
TL04OU |
Verín |
49* |
100 W |
Verín, Monterrei, Vilardevós, Cualedro, Riós, Oimbra, Laza, Castrelo do Val |
1.061,38 km2 |
27 hab/km2 |
1 |
|
TL01PO |
Lalín |
55* |
100 W |
Lalín, Silleda |
494,79 km² |
60 hab/km2 |
1 |
*Afectadas polo segundo dividendo dixital. Pendentes de asignación da nova canle.
