O Pleno do Concello, na sesión extraordinaria urxente do 26 de xullo de 2018, aprobou inicialmente o proxecto de modificación puntual das normas subsidiarias do concello no ámbito da Canle IV, de acordo coa documentación que presentou a arquitecta Gloria Margarita Trigo Mayor, colexiada do COAG co número 2139, o día 22 de maio de 2018 (RE número 861 e seguintes) e o día 12 de xullo de 2018 (RE número 1197).
O que se fai público en cumprimento do disposto no artigo 60.6 da Lei 2/2016, do 10 de febreiro, do solo de Galicia, co fin de que durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente no Departamento de Urbanismo do concello (avenida de Castelao, número 36), de luns a venres, das 8.00 ás 14.30 horas, e formular as alegacións que xulguen oportunas.
A documentación sometida a información pública tamén se pode consultar na páxina web do Concello na ligazón http://concello.aspontes.org/portal-transparencia/?mdocs-cat=mdocs-cat-39&mdocs-att=CONSULTA%20P%C3%9ABLICA
As Pontes de García Rodríguez, 1 de agosto de 2018
O alcalde
P.D. (Decreto 1092/2018, do 27 de xullo)
María Montserrat García Chavarría
Alcaldesa en funcións