Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución parcial 246/2017 deste xulgado do social, seguido por instancia de Andrea González Fleitas contra Juan Liste Brañas, se ditaron as seguintes resolucións cuxa parte dispositiva é do teor literal seguinte:
«Auto:
Maxistrada xuíza: Elena Calleja Curros.
Santiago de Compostela, 22 de xuño de 2018.
Parte dispositiva:
Dispoño: tense por ampliada a execución por importe de 3.129,70 euros en concepto de principal, máis outros 312,97 euros que se fixan provisionalmente en concepto de xuros que, se é o caso, se poidan devindicar durante a execución e as custas desta, sen prexuízo da súa posterior liquidación, sen necesidade de retrotraer o procedemento.
Modo de impugnación: contra esta orde non cabe recurso ningún, sen prexuízo de que a parte executada se poida opor ao despacho de execución nos termos previstos no artigo 556 da LAC e no prazo de dez días contados desde o seguinte á notificación do presente auto e do decreto que se dite.
Así o acorda e asina a maxistrada. Dou fe.
A maxistrada xuíza A letrada da Administración de xustiza
Decreto:
Letrada da Administración de xustiza: María Teresa Vázquez Abades
Santiago de Compostela, 22 de xuño de 2018
Parte dispositiva:
Acordo, en cumprimento do requisito que se contén no artigo 276.3 e previamente á estimación na presente executoria da pervivencia da declaración de insolvencia da parte executada Juan Liste Brañas, dar audiencia previa á parte demandante Andrea González Fleitas e ao Fondo de Garantía Salarial, por termo de 15 días para que poidan sinalar a existencia de novos bens, e do seu resultado acordarase o procedente.
Modo de impugnación: contra a presente resolución cabe recurso directo de revisión, que se deberá interpor ante quen dita a resolución no prazo de tres días hábiles seguintes á notificación desta, con expresión da infracción cometida nela a xuízo do recorrente (artigo 188 da LXS).
A letrada da Administración de xustiza».
E para que lle sirva de notificación en legal forma a Juan Liste Brañas, en ignorado paradoiro, expido o presente para a súa inserción no Diario Oficial de Galicia.
Santiago de Compostela, 9 de xullo de 2018
A letrada da Administración de xustiza