Advertidos erros no devandito anuncio publicado no Diario Oficial de Galicia número 143, do venres 27 de xullo de 2018, cómpre facer modificacións nalgúns puntos.
Na páxina 35116, onde di: «O acto foi adoptado pola xefa territorial», debe dicir: «O acto foi adoptado pola instrutora do expediente».
Onde di: «Contra esta resolución, que non pon fin á vía administrativa poderase interpoñer recurso de alzada ante a conselleira do Medio Rural no prazo dun mes, contado desde o día seguinte ao da publicación do presente anuncio no BOE».
Debe suprimirse o dito parágrafo.
No acto de notificación, onde di: «Acto de notificación: resolución», debe dicir: «Acto de notificación: proposta de resolución».