José Martínez Ferreiro, en nome e representación da entidade Telefónica España, S.A.U., solicita a concesión administrativa para a ocupación dunha parcela de dominio público portuario con destino á instalación de liña de telecomunicación no porto de Cambados, segundo o proxecto titulado Instalación FO Macrolán TGSS. Proxecto número: 6558361 redactado polo enxeñeiro de telecomunicacións Miguel Ángel Sancho García en decembro de 2016.

O que se fai público, para os efectos previstos no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do 20 outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Sur de Portos de Galicia, sitas na rúa Víctor Saíd Armesto, 1-1º, 36002 Pontevedra, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia.

Pontevedra, 10 de maio de 2018

Mateo Ruibal Fernández
Xefe da Zona Sur