Mediante Resolución reitoral do 5 de xullo de 2010 (DOG nº 140, do 23 de xullo) estableceuse a composición permanente da mesa de contratación da Universidade de Vigo e fixáronse as súas normas de funcionamento.
Posteriormente, por Resolución reitoral do 10 de abril de 2018 (DOG nº 73, do 16 de abril) modificábase o punto primeiro da dita resolución estableceuse unha nova composición da mesa de contratación. Ao respecto, e dado o novo deseño de competencias, considérase oportuno cambiar a persoa designada para presidir a mesa de contratación e un vogal.
Por todo o anteriormente exposto, acórdase ditar a seguinte resolución:
Primeiro. Da Resolución do 8 de xuño de 2018, de delegación de competencias (DOG nº 111, do 12 de xuño) suprímese do punto III a letra c) «A presidencia da mesa de contratación».
Segundo. Modificar o punto primeiro da Resolución do 5 de xullo de 2010 (na redacción dada pola Resolución reitorial do 10 de abril de 2018) pola que se fai pública a composición e o funcionamento da mesa de contratación permanente da Universidade de Vigo nos parágrafos relativos á persoa que exercerá os labores de presidencia e do vogal que ocupa a Vicexerencia en materia económica. Estes quedan redactados nos seguintes termos:
– «.... Presidente/a: a persoa que ocupe a Vicerreitoría de Economía, que poderá ser suplida en caso de vacante, ausencia ou enfermidade pola persoa que designe o reitor.
– Vogal: o director de Administración».
Esta resolución entrará en vigor o día seguinte ao da súa publicación no Diario Oficial de Galicia.
Vigo, 20 de xuño de 2018
Manuel J. Reigosa Roger
Reitor da Universidade de Vigo