A Lei 14/2007, do 30 de outubro, pola que se crea e regula o Instituto Galego de Seguridade e Saúde Laboral regula no seu artigo 16 a composición e o procedemento de nomeamento das persoas vogais do Consello Galego de Seguridade e Saúde Laboral.
Conforme o previsto na dita lei realizouse proposta de designación e de cesamento por parte da Confederación de Empresarios de Galicia (CEG) de dúas persoas vogais integrantes no Consello Galego de Seguridade e Saúde Laboral.
En consecuencia, no exercicio das atribucións conferidas de conformidade co disposto no artigo 34 da Lei 1/1983, do 22 de febreiro, de normas reguladoras da Xunta e da súa Presidencia,
RESOLVO:
Artigo único. Substitución de vogais
Á proposta da Confederación de Empresarios de Galicia (CEG):
En calidade de titular:
a) Disponse o cesamento de: Miguel Varela Varela.
b) Disponse o nomeamento de: Jorge Somoza Lázare.
En calidade de suplente:
a) Disponse o cesamento de: Jorge Somoza Lázare.
b) Disponse o nomeamento de: Jaime Luis López Vázquez.
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 21 de maio de 2018
Francisco José Conde López
Conselleiro de Economía, Emprego e Industria