O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
Mediante a Resolución do 6 de febreiro de 2018, da Secretaría Xeral Técnica da Consellería do Mar, publicouse a relación de convenios subscritos no terceiro cuadrimestre do ano 2017 (DOG do 16 de febreiro de 2018), na cal non foron incluídos dous convenios subscritos nese período.
En consecuencia, e para dar cumprimento a esa obriga,
DISPOÑO:
Artigo único
Darlle publicidade á relación de dous convenios que foron subscritos pola Consellería do Mar, no terceiro cuadrimestre de 2017, que se incorpora no anexo a esta resolución.
Santiago de Compostela, 18 de maio de 2018
María Isabel Concheiro Rodríguez-Segade
Secretaria xeral técnica da Consellería do Mar
ANEXO
Convenios de colaboración subscritos pola Consellería do Mar
no terceiro cuadrimestre do ano 2017
Descrición |
Importe |
Data |
Addenda ao acordo de colaboración entre Consellería do Mar e a Consellería de Economía, Emprego e Industria para a acreditación da formación impartida pola primeira dirixida á cualificación profesional do colectivo de redeiras/os. |
Sen custo económico |
27.11.2017 |
Protocolo de colaboración entre a Universidade Católica do Norte (Chile) e o Centro de Investigacións Mariñas da Consellería do Mar para a elaboración do proxecto FONDEF «Análisis de riesgo y sistemas de alerta temprana de floraciones algales nocivas para la acuicultura y áreas de manejo en el norte de Chile». |
11.633 € |
13.12.2017 |