En cumprimento do disposto no artigo 18 do Decreto 4/2015, do 8 de xaneiro, polo que se regula a declaración de festas de interese turístico de Galicia, a Dirección da Axencia Turismo de Galicia dispón que se publique no Diario Oficial de Galicia o acordo adoptado polo Consello da Xunta de Galicia na súa reunión do 9 de maio de 2018, que a seguir se transcribe:

«Declarar festas de interese turístico de Galicia, de conformidade co establecido no Decreto 4/2015, do 8 de xaneiro, polo que se regula a declaración de festas de interese turístico de Galicia, as seguintes:

– Feira do Botelo da Fonsagrada (Lugo).

– Festa do Caldo Galego de Mourente (Pontevedra).

– Semana Santa de Santiago de Compostela (A Coruña)».

Santiago de Compostela, 16 de maio de 2018

Mª Nava Castro Domínguez
Directora da Axencia Turismo de Galicia