ETX Execución de títulos xudiciais 219/2017

Procedemento orixe: procedemento ordinario 258/2016

Sobre ordinario

Demandante: Óscar Alfredo López Dapena

Avogado: José Manuel Vales Raña

Demandado: Fogasa, Carlos Gómez García, María Peregrina López Dapena, Carma 1402, S.C.

Avogado: letrado de Fogasa

Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento execución de títulos xudiciais número 219/2017 deste xulgado do social, seguido por instancia de Óscar Alfredo López Dapena, contra a empresa Carma 1402, S.C., Mª Peregrina López Dapena e Carlos Gómez García, sobre reclamación de cantidade, se ditou Decreto en data do 2 de maio de 2018, cuxa parte dispositiva, é do tenor literal seguinte:

«Parte dispositiva.

Acordo:

a) Declarar os executados Carma 1402, S.C., Mª Peregrina López Dapena e Carlos Gómez García en situación de insolvencia total por importe de 7.083,54 euros en concepto de principal, máis 1.106,49 euros en concepto de xuros de demora, máis 819 euros que provisionalmente se presupostan para xuros, gastos e custas, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reaperturar a execución, se a partir deste momento se coñecen novos bens dos executados.

c) Proceder á súa inscrición no rexistro correspondente, e publicar no Diario Oficial de Galicia, respecto ás persoas físicas.

d) Levar o orixinal ao libro de decretos, deixando testemuño nas presentes actuacións.

Notifíquese ás partes e a Carma 1402, S.C., Mª Peregrina López Dapena e Carlos Gómez García, por medio de edictos no Diario Oficial de Galicia, facéndolles saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, de ser o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin, producirán plenos efectos e as notificacións neles intentadas sen efecto serán válidas ata tanto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.

Contra a presente resolución cabe recurso directo de revisión que deberá interpoñerse ante o presente órgano xudicial no prazo de tres días hábiles. Se o recorrente non tiver a condición de traballador ou beneficiario do réxime público da Seguridade Social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta no Banco Santander, conta nº 5076 0000 64 0219 17. Se o ingreso se fai mediante transferencia bancaria deberá ingresarse na conta número 000493569920005001274, e no campo “concepto” deberá indicar o número de conta “5076 0000 64 0219 17”. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución impugnada utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.

Así o acordo, mando e asino. Dou fe.

A letrada da Administración de xustiza».

Advírtese os destinatarios de que as seguintes comunicacións se farán fixando copia da resolución ou da cédula no taboleiro de anuncios da oficina xudicial.

E para que sirva de notificación a Carma 1402, S.C., Mª Peregrina López Dapena y Carlos Gómez García, expido este edicto.

Santiago de Compostela, 2 de maio de 2018

A letrada da Administración de xustiza