Mediante a Resolución da Alcaldía 748/2018, do 22 de marzo de 2018, aprobouse inicialmente o expediente 28/2017.PED de estudo de detalle do extremo nordés do cuarteirón entre as rúas Caracas e Barcelona, no núcleo de Meicende, asinado polos arquitectos Álvaro Fernández Carballada e Beatriz Aneiros Filgueira en outubro de 2017 e tramitado por instancia de Construcciones y Promociones Riazor, S.A.

En virtude do disposto polos artigos 80.2 da Lei 2/2016, do 10 de febreiro, do solo de Galicia, e 194.2 do Decreto 143/2016, do 22 de setembro, polo que se aproba o Regulamento da Lei 2/2016, o expediente de referencia queda sometido a información pública durante o prazo dun mes, contado a partir do día seguinte a aquel en que se produza a presente publicación no Diario Oficial de Galicia. Con carácter previo publicarase o presente nun dos xornais de maior circulación da provincia.

Durante o dito prazo poderase examinar o contido do estudo de detalle no Departamento de Urbanismo do Concello de Arteixo, de luns a venres, das 9.00 ás 14.00 horas, así como no seguinte enderezo electrónico:

https://sede.arteixo.org/gl/informacion/verificacion_documentos/ introducindo o seguinte código de verificación do documento (CVD): KAHHhztZoaECAnDbXo8W.

Así mesmo, resolveuse a suspensión do procedemento de outorgamento de licenzas de parcelación de terreos, edificación e demolición nas parcelas catastrais 5197101NH4959S e 5197102NH4959S.

Arteixo, 26 de abril de 2018

O alcalde
P.D. (Decreto nº 1336, do 6.7.2015)
Luís Alberto Castro Calvete
Concelleiro do Departamento de Urbanismo e Medio Ambiente