A Fundación Santiago Rey Fernández-Latorre convoca o LX Premio Fernández Latorre e invita a particulares e institucións a participar nel.

Este premio réxese polas seguintes bases:

1. Premio.

Concederase o Premio Fernández Latorre, dotado nesta edición con 10.000 euros, a unha traxectoria, persoal ou profesional, ou a un traballo xornalístico publicado en cualquera medio de comunicación entre o 7 de maio de 2017 e o 6 de maio de 2018.

2. Ditame e entrega.

O ditame farase público no xornal La Voz de Galicia o vindeiro 25 de xullo, festividade do Apóstolo Santiago e Día de Galicia.

O premio entregarase no transcurso dun acto que terá lugar no último trimestre de 2018.

3. Xurado.

O xurado terá, ademais das facultades normais para elixir a traxectoria ou traballo premiados, as de interpretar as presentes bases.

4. Presentación de traballos.

Os expedientes ou traballos deberanse enviar por correo electrónico (fundacionsantiagoreyfernandez-latorre@lavoz.es) ou ordinario á Fundación Santiago Rey Fernández-Latorre; avenida da Prensa, 84-85, polígono industrial de Sabón, 15143 Arteixo (A Coruña), ata o 31 de maio, coa indicación «Premio Fernández Latorre».

Os expedientes ou traballos poderán ser presentados polos interesados, polos membros do xurado ou por calquera persoa ou entidade. Neste último caso, débese acreditar o consentimento do/da candidato/a.

5. Condicións.

A presentación a este premio supón a conformidade dos participantes coas bases e implica, de ser o caso, a autorización para a difusión pública, sen finalidade lucrativa, do traballo premiado.

A decisión do xurado é inapelable.

A Coruña, 26 de abril de 2018

Santiago Rey Fernández-Latorre
Presidente da Fundación Santiago Rey Fernández-Latorre