Perante este Xurado Provincial de Clasificación de Montes Veciñais en Man Común tramítase o expediente de clasificación do monte coas seguintes características:

Expediente: 4/2017.

Denominación: Distriz (ampliación).

Comunidade propietaria: veciños/as da parroquia de Distriz.

Concello: Monforte de Lemos.

Superficie: 0,817 hectáreas.

Parcelas obxecto de clasificación e lindes:

Parcela que se vai clasificar	Linde	Polígono	Parcela
Parcela 378-polígono 76	Norte	76	9035 e 9028
	Leste	76	9028 e 379
	Sur	76	282
	Oeste	76	377, 376, 375, 374, 372, 371, 370, 369, 368, 367, 380, 398, 397, 396, 395, 394, 399 e 401

En virtude do acordado polo Xurado na sesión do 15 de marzo de 2017 e en cumprimento da orde do instrutor, conforme co disposto na Lei 13/1989, do 10 de outubro, de montes veciñais en man común (MVMC), por este anuncio faise pública a iniciación do expediente para a posible clasificación do monte indicado.

Ábrese un período dun mes, contado desde o día seguinte ao da súa publicación, para que os interesados poidan intervir no expediente e formular as alegacións que coiden oportunas, así como achegar os documentos ou informacións que xulguen convenientes, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Lugo, 9 de abril de 2018

Mª Olga Iglesias Fontal
Presidenta do Xurado Provincial de Clasificación de Montes Veciñais
en Man Común de Lugo