De conformidade co disposto no artigo 44 da Lei 39/2015, do 1 de outubro, do procedemento administrativo común das administracións publicas (en diante LPAC), despois de ser intentada sen éxito a notificación persoal a través do servizo de Correos, notifícase a Elisa Santorum Calo a Resolución do 22 de xaneiro de 2018 pola que se impón unha segunda multa coercitiva e se reitera o apercibimento para o cumprimento da obriga de repor.

En cumprimento do artigo 46 da LPAC, a interesada poderá comparecer, no prazo de dez (10) días hábiles contados desde o seguinte ao da publicación deste anuncio no Boletín Oficial del Estado, nas oficinas de Augas de Galicia, situadas na praza de Camilo Díaz Baliño, 7-9, 15781 Santiago de Compostela, das 9.00 ás 14.00 horas, de luns a venres, para o coñecemento íntegro da mencionada resolución e constancia de tal coñecemento.

Transcorrido o dito prazo sen efectuarse a comparecencia, a notificación entenderase producida desde o día seguinte ao de publicación deste anuncio no Boletín Oficial do Estado.

Contra esta resolución, que pon fin á vía administrativa, a interesada poderá interpoñer recurso potestativo de reposición no prazo dun mes, contado desde o día seguinte ao da súa comparecencia ou da publicación no Boletín Oficial del Estado, ante o director de Augas de Galicia. No caso de non exercer o seu dereito a presentar recurso de reposición, poderase interpor directamente recurso contencioso-administrativo, no prazo de dous meses contados desde o día seguinte ao da súa comparecencia ou da publicación no Boletín Oficial del Estado.

O importe da multa coercitiva deberá ser aboado a través do seu ingreso na conta restrinxida de Augas de Galicia, de recadación de multas e sancións, empregando o modelo que se facilitará nas dependencias desta entidade pública empresarial, na praza de Camilo Díaz Baliño, 7-9, 15781 Santiago de Compostela.

Santiago de Compostela, 19 de marzo de 2018

Roberto Rodríguez Martínez
Director de Augas de Galicia