Co obxecto realizar a convocatoria para o curso 2018/19 de autorización do programa de cursos para a formación complementaria en linguas estranxeiras do alumnado –CUALE– nos centros públicos integrados, institutos de educación secundaria e centros integrados de formación profesional da Comunidade Autónoma de Galicia, esta dirección xeral resolve anunciar:
Primeira. Que a regulación e convocatoria de autorización do programa de cursos para a formación complementaria en linguas estranxeiras do alumnado –CUALE– para o curso 2018/19 estará dispoñible no portal educativo da Consellería de Cultura, Educación e Ordenación Universitaria: http://www.edu.xunta.gal/portal.
Segunda. Os centros que desexen implantar o programa CUALE deberán facer a correspondente solicitude en liña completando o formulario electrónico dispoñible na aplicación á cal se accede no enlace http://www.edu.xunta.es/programaseducativos –no programa correspondente CUALE–.
Terceira. Que o prazo de presentación de solicitudes comezará ao día seguinte da publicación deste anuncio no Diario Oficial de Galicia e rematará o día 10 de xuño de 2018.
Santiago de Compostela, 5 de abril de 2018
Manuel Corredoira López
Director xeral de Educación, Formación Profesional e Innovación Educativa