DOG 73 do 16/04/2018 - ANUNCIO do 21 de marzo de 2018, da Xerencia de Xestión Integrada de Lugo, Cervo e Monforte de Lemos, polo que se procede a darlle publicidade á resolución da mesma data pola que se convoca para vinculación temporal, por concurso de méritos, a cobertura dunha praza da categoría de facultativo especialista de área para os servizos sanitarios de atención especializada da dita xerencia.

IV. Oposicións e concursos

Servizo Galego de Saúde

ANUNCIO do 21 de marzo de 2018, da Xerencia de Xestión Integrada de Lugo, Cervo e Monforte de Lemos, polo que se procede a darlle publicidade á resolución da mesma data pola que se convoca para vinculación temporal, por concurso de méritos, a cobertura dunha praza da categoría de facultativo especialista de área para os servizos sanitarios de atención especializada da dita xerencia.

A Xerencia de Xestión Integrada de Lugo, Cervo e Monforte de Lemos, en cumprimento co establecido no Plan de estabilidade do emprego e provisión de prazas do persoal estatutario do Servizo Galego de Saúde (2017-2018), publicado no DOG núm. 85, do 4 de maio, de acordo co disposto no artigo 67 do Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013, do 4 de xullo (DOG núm. 140, do 24 de xullo), e na Orde do 12 de abril de 2013 (DOG núm. 76, do 19 de abril), polo que se desenvolve a estrutura organizativa de xestión integrada das áreas de Lugo, Cervo e Monforte de Lemos, así como na Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde,

DISPÓN:

Primeiro. Proceder ao anuncio da convocatoria para cubrir, mediante vinculación temporal, por concurso de méritos, a praza de facultativo especialista de área que se relaciona no anexo.

Segundo. As solicitudes para participar na presente convocatoria, xunto coa documentación a que se refiren as bases, presentaranse preferentemente, dirixidas ao xerente de Xestión Integrada, no rexistro de entrada do Hospital Universitario Lucus Augusti de Lugo, sito na rúa Dr. Ulises Romero, nº 1, 27003 Lugo, ou a través de calquera dos procedementos do artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles contados a partir do día seguinte ao da publicación deste anuncio no Diario Oficial de Galicia.

Terceiro. As bases íntegras da convocatoria estarán expostas no taboleiro de anuncios do Hospital Universitario Lucus Augusti (Oficina de Atención ao Traballador), na intranet da EOXI de Lugo, Cervo e Monforte de Lemos, así como na páxina web do Servizo Galego de Saúde (www.sergas.es).

Lugo, 21 de marzo de 2018

Ramón Ares Rico
Xerente de Xestión Integrada de Lugo, Cervo e Monforte de Lemos

ANEXO

Especialidade	Prazas	Centro
Alergoloxía	1	Vacante no Hospital Universitario Lucus Augusti