Aprobado inicialmente, por acordo do Pleno deste concello do 15 de decembro de 2017, o expediente de delimitación de núcleo rural común de «Agudeiro, As Travesas, A Mariñadona e a Fonte. Modificación do proxecto e exposición pública», de conformidade co artigo 78 da Lei 2/2016, do 10 de febreiro, do solo de Galicia, sométese a exposición pública por prazo de dous (2) meses, contados desde o día seguinte ao da publicación deste anuncio no Diario Oficial de Galicia.
Durante o citado prazo, o devandito expediente poderá ser examinado por calquera interesado nas dependencias municipais para que se formulen as alegacións que se consideren pertinentes.
Monfero, 8 de xaneiro de 2018
Andrés Feal Varela
Alcalde