De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas interesadas, que a continuación se relacionan, as resolucións ditadas pola xefa territorial nos expedientes administrativos instruídos conforme o disposto nos artigos 172 e seguintes do Código civil e demais normativa de aplicación, despois dos intentos de notificación realizados sen que fose posible efectuar as ditas notificacións ou por descoñecer o domicilio dos interesados.

Os expedientes atópanse á disposición das persoas interesadas, ou dos seus representantes debidamente acreditados, no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social, rolda da Muralla, 70, planta baixa, onde, no prazo de dez (10) días contados desde o día seguinte á data de publicación deste anuncio no Boletín Oficial del Estado, poderán comparecer para coñecer o contido íntegro das resolucións, de luns a venres laborables, das 9.00 ás 14.00 horas, advertíndolles que, de non facelo, se lles terá por notificadas.

As persoas interesadas ou os seus representantes, debidamente acreditados, poderán interpor recurso ás resolucións recaídas nos expedientes, as cales son definitivas en vía administrativa, no Xulgado de Primeira Instancia de Lugo, que por quenda lle corresponda, no prazo de dous (2) meses contados desde o día seguinte á data da súa notificación, sen necesidade de reclamación administrativa previa, de conformidade co artigo 780.1 da Lei 1/2000, do 7 de xaneiro, de axuizamento civil.

Lugo, 9 de febreiro de 2018

María Cristina Abades Martínez
Xefa territorial de Lugo

ANEXO

Interesado/a	Núm. expte.	Efectos xurídicos	Data da resolución
Argentina Cortiñas Montoya	2012/47/27	Mantemento da medida administrativa e modificación do recurso	10.3.2017
Argentina Cortiñas Montoya	2012/48/27	Mantemento da medida administrativa e modificación do recurso	10.3.2017
Sonia Otero Fernández	2005/4/27	Mantemento da medida administrativa e modificación do recurso	17.1.2018
Sonia Otero Fernández	2005/5/27	Mantemento da medida administrativa e modificación do recurso	17.1.2018
José Antonio Acién	2013/261/27	Mantemento da medida administrativa e modificación do recurso	10.1.2018