A instalación denominada LMTS CTC Pereiro-Donas, no concello de Gondomar, foi declarada de utilidade pública mediante a Resolución do 15 de xaneiro de 2018, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa Unión Fenosa Distribución, S.A.

Segundo o disposto no artigo 52 da Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 24 de abril de 2018, a partir das 10 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello de Gondomar.

Os interesados recibirán unha notificación individual coa debida antelación legal, na cal se lles comunicará a data e a hora na que deberán presentarse nas súas fincas, informándolles de que poderán ir acompañados por un perito ou un notario, pola súa conta, se así o consideran conveniente.

Esta publicación servirá de comunicación para os titulares daqueles predios que figuran como descoñecidos ou se ignora o lugar de notificación, de acordo co establecido no artigo 45.1.a) da Lei 39/2015, do 1 de outubro, do procedemento administrativo común das administracións públicas.

Vigo, 9 de marzo de 2018

Ignacio Rial Santomé
Xefe territorial de Pontevedra

ANEXO

LMTS CTC Pereiro-Donas

Nº	Cultivo	Nome e apelidos	Nº de apoio	m2 solo	m2 sub.	Concello
1	Agrario	Sara Dolores Pazos Martínez			7,80	Gondomar
2	Agrario	José Manuel Lamas Patiño e Esther Salgueiro Costas			14,80	Gondomar
3	Agrario	Manuel Pazos Casas	CT	16,81	5,67	Gondomar