De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, logo de intentada a notificación sen que se puidese efectuar, notifícaselle á persoa que a continuación se relaciona o emprazamento relativo ao procedemento ordinario 4012/2018, interposto ante o Tribunal Superior de Xustiza de Galicia polo Consello Galego de Colexios de Aparelladores e Arquitectos Técnicos, contra a Resolución do 22 de novembro de 2017 que desestima o recurso de alzada interposto contra o prego de cláusulas administrativas particulares do contrato de servizo para realizar a dirección de execución e coordinación de seguridade e saúde nas obras de ampliación do Instituto Ferial de Vigo (clave PO/17/134.40 e AT/014/2017).
Segundo establece o artigo 46 da citada lei, o interesado dispón dun prazo de dez (10) días, contados desde o día seguinte ao da publicación deste anuncio no Boletín Oficial del Estado, para coñecer o contido do acto que se notifica na Secretaría Xeral Técnica da Consellería de Infraestruturas e Vivenda, situada no Complexo Administrativo de San Caetano, bloque 5, en Santiago de Compostela.
Para que conste e lle sirva de notificación ao interesado, asino e selo este anuncio.
Santiago de Compostela, 19 de marzo de 2018
Joaquín Macho Canales
Secretario xeral técnico da Consellería de Infraestruturas e Vivenda
ANEXO
Interesado |
Acto que se notifica |
Francisco González Varela |
Emprazamento |